لسه ماتجوزتيش ومتضايقه من الانتظار ؟؟ الكلام ده هيطمنك كتيير

انا متأكده ان الكلام ده هيريح بنات كتييير 
خصوصا البنات اللى سنهم كبر ومازالوا فى حاله انتظار .. واللى كل اصحابها اتجوزوا وهى لسه ... واللى وقفوا حياتهم وسعادتهم على الجواز

بصى ياحبيبه قلبى لازم تعرفى ان احنا مش فى سبق .. واللى يتجوز الاول هو اللى هيكسب



لا ابدا ... الدنيا مابتدومش لحد .. عمر مالسعاده بتستمر .. ولا المشاكل والاحزان هتستمر

يعنى ممكن اووى اللى تتجوز قبلك .. بمرور الوقت حالها يكون أسوأ من حالك بكتيير .. والامثله على كده كتيير جدا

يعنى ممكن اووى صاحبتك اللى اتجوزت دلوقتى ربنا يرزقك بواحد احسن من زوجها بس بعد كام سنه من الصبر

أو ممكن ربنا يبتليها بشئ انتى ماتقدريش تتحمليه

ويمكن اصلا ربنا يكون مبتليها بابتلاء بس انتى ماتعرفيش

تانى حاجه .. البنت المحترمه اللى بعدت عن كل العلاقات بالشباب .. وفى الاخر لقت فلانه اللى ماشيه مع فلان اتجوزت وخلفت .. وهى لسه قاعده !!

احب اقولك .. ان الزواج مش بالادب والاخلاق ... اذا كان فيه راقصات بتتجوز بدرى 

وفيه بيتجوزوا عرفى وبعد كده الجواز بيتم رسمى ولا كأن حاجه حصلت 

اه بيحصل

بس اللى احب اطمنك بيه

ان الطيور على اشكالها تقع .. وربنا سبحانه وتعالى قال الخبيثات للخبيثين والخبيثون للخبيثات والطيبات للطيبين والطيبون للطيبات

والبنت اللى التزمت وتدينت ولسه ماتجوزتش :
احب اعرفك ان التزامك وتدينك لازم يكون لوجه الله

مش عشان تتجوزى يعنى 

واكيد ربنا هيجازيكى عليه وهتلاقى ثوابه سواء فى الدنيا او فى الاخره .. بس اوعى تفتكرى انك اول مهاتلتزمى ربنا هيرزقك بالعريس على طول
.. لا لا مش لازم ..
ممكن ربنا يأخره عنك شويه ولا شويتين

وطبعا انتى بتكونى مضايقه لما تلاقى جارتك اللى بعيدة عن ربنا وبتعصيه اتجوزت قبلك ####

بس احب اعرفك ...

ان معظم الحراميه اغنيا

وفيه مؤمنين كتيير مش لاقيين ياكلوا

معنى كده بقا ان الحرامى احسن من المؤمن ؟؟

المؤمن يسرق بقا مادام ربنا لسه مفرجهاش عليه ؟؟

ياحبيبتى الدنيا دار شقاء

ده ربنا بيقول

"لقد خلقنا الإنسان في كبد "

والدنيا جنة الكافر .. ده ساعات ربنا لما بيشتد غضبه على العبد بيديله اكتر عشان يحاسبه اكتر !!

مشكله الناس ومجتمعنا المتخلف اننا معظمنا بياخد بالمظاهر

يعنى تلاقى اول مافلانه تتجوز واحد غنى

يقولك ده ربنا كرمها ورزقها بعريس مقتدر

طب ده ممكن ربنا يكون بيعاقبها بالعريس المقتدر ده

وتلاقى بقا البنت اللى لقوها اتجوزت جوازة وحشه ولا اتأخر زواجها

تقولك ايه مشعارفه انا عملت ايه غلط فى دنيتى ربنا بيعاقبنى عليها

مش لازم يعنى ياحبيبتى يكون تأخير زواجك بسبب معصيتك .. زى مامعظم الناس فاكره يعنى كل شىء بأوان ولا تشاؤن الا ان يشاء اللة